حسافه انباع حبي بسعر خسران
وحصد غيري ثمر تعبي التعبتهتحملت بغيابك ذلة الشوك
ذلة سهر ليل وحضن بردان
الدمع يجري بغيابك ذبل الشوف
صارن كلهن اسود عندي الالوان
الحزن مر بغيابك قافلة خوف
صفيت بدنيه وحدي بلايه خلان
اسمع بس صداك تكول مذبوح
ذابحته المحنه بليل الاحزان
تسولف عن عشرتي وياك وتنوح
صاحب صاحبه شكد عنده وجدان
فاركته بغيابي فارك الروح
اله بهاي المكابر صار عنوان
انا مو ميت دخيلك هذا الفراك
عطشان عله شوفك عودي ذبلان
بس شو جسمي يمك ليش مطروح
وانا واكف اعاين جني حلمان
بعيوني تراوه صوره وتروح
جن الدنيا بيهه اثنين بيبان
واحد انا شفته فوكه مكتوب
هذا الباب يدخل منه الانسان
والثاني بخيالي جنه مطبوع
هذا تعوف كلشي وتترك فلان
فكرت بتناقض هذا وبذاك
طلع ناتج حياتي الليله خلصان
خليتك حبيبي بكلبي شريان
مثل ناطور وسفه وتالي بكته
تحملني الغلط وتصير زعلان
وتلف وتدور مني تريد فلته
مبروك عالحب الجديد والف عالخير
وسهم غدرك يغالي بكلبي شلته
حسبالك طحت ... ﻻعمي غلطان
الذهب يبقه ذهب مهما صهرته


راح احبك من طرف واحد نويت
حتى اني وياك ميمرنه الزعل
وحتى باجر لو رحت عني ومشيت
ما يسالوني واكللهم رحل
وحدي بيني وبيني قصة حب اعيش
ما اكلك خاف يمنعني الخجل
وخاف اكلك واكتشف عندك حبيب
ليش اجازف وانهي قصتنا بفشل
والله شو مرتاح احس خليني هيج
ما تجيني جروح منك عاالاقل
وحتى بالفركه شخص واحد يموت
هوه نفسه الجان عايش عالامل


منين ابدي واسولف قصتي وياك
بيك تسودنت مدري شجاني
عيوني وياك تحجي لمن اشتاگ
وكلام العين اصدق من لساني
واريد وياك اگعد گعده احباب
وما اگدر بعد اصبر واتاني
اقرالك شعر بي لهفه فراگ
واغنيلك فرح كل الاغاني
وافرشلك عيوني وبيهن تنام
واغطيك بعطف حبي وحناني


خيال الشوك واضــح مـــن العيـــــون
وتره الاحساس متــلـزمه المسافـات
مــرات اليحــب يكتـــم بالانــــــفاس
تــــكدر عالــنفس تقــره العـــلامـات
اليـــريد الــشمس يوصـلها مـعـــلوم
... بس يـلغي المسافه ويلغي هيـهات
تــعلمــنــه الحـــزن نــقرا بـــالعيـون
بــس فــرحة كلــب نــقراها بــالذات
الشجره اغصـان بــيها وكومــة اوراق
اذا يــموت الجــذر تــحسبهن امـوات...
كـذلك بــالمحبه ابــيـــن الكـــلـــوب
اوــــضحلـــك الحاله وعنــدي اثبــات
اذا نـــلغي المـــحبه تــموت الكـلوب
واذا مــات الكلــب عالحـب سلامــات


لا تبـــجي امــوت بـدمـعتـك هــاي
ولــو حــلـوه الـدموع بعينك تـصـير
كــل الــناس تبـجي بدمـع تمساح
بــس انــت بــجيـتك كــالــعصافيـر
طبـع الدمع ينــزل فــوك الاخــــدود
ودمــعك كــالفراشـه بـواهس اطيـر
اذا انــت بــدموعـك حـبـتـك نــــاس
يـعنـي بـضحكتك مـاندري شيـصـيـر


على باب الصبر كل يوم اتانيـــــــك
واتاني الدمعه تصرخ خاطر ابجيهـه
لان كلبي بغيابك مثل ريش الطيـر
وبس ريح الشماته الي تهز بيهــه
كمت ابجي وانوح من يمر طاريــك
واريد عيوني يمك لو تخليــــــــــهة
بكثر دمعات عيني اليوم مشتـــاك
واريد سنيني يمك كون تاليــــــهة


يسألوني شعجب ما تكتب اشعار
وتذكر بالشعر كلمن تريده
شأكلهم وانت شاعل بالكلب نار
وروحي من البعد صارت قصيده
انا بفركاك نخله بشحة الماي
من كثر العطش صارت جريده
وكف كلبي بغيابك ما عِرف ليش
اثاري انت طلعت كاطع وريده



تحملت بغيابك ذلة الشوك
ذلة سهر ليل وحضن بردان
الدمع يجري بغيابك ذبل الشوف
صارن كلهن اسود عندي الالوان
الحزن مر بغيابك قافلة خوف
صفيت بدنيه وحدي بلايه خلان
اسمع بس صداك تكول مذبوح
ذابحته المحنه بليل الاحزان
تسولف عن عشرتي وياك وتنوح
صاحب صاحبه شكد عنده وجدان
فاركته بغيابي فارك الروح
اله بهاي المكابر صار عنوان
انا مو ميت دخيلك هذا الفراك
عطشان عله شوفك عودي ذبلان
بس شو جسمي يمك ليش مطروح
وانا واكف اعاين جني حلمان
بعيوني تراوه صوره وتروح
جن الدنيا بيهه اثنين بيبان
واحد انا شفته فوكه مكتوب
هذا الباب يدخل منه الانسان
والثاني بخيالي جنه مطبوع
هذا تعوف كلشي وتترك فلان
فكرت بتناقض هذا وبذاك
طلع ناتج حياتي الليله خلصان