alomiri
مدير عام المنتدى
عدد المساهمات : 457
نقاط : 11545
السٌّمعَة : 0
تاريخ التسجيل : 15/07/2011
العمر : 52
الموقع : http://www.anwarbaghdad.com
 |  موضوع: خواطر رومانسية  الإثنين نوفمبر 25, 2013 10:02 pm | |
| رشحتك حبيبي بقائمة اهوااااك
و بأول تسلسل اني خليتك
ولغيت احزاب كلمن نافسك خسران
بس حزبك يعيش تفوز قوميتك
بس انت الوحيد بلا دعايه تفوز
تك حاجب ترفعه يجيك حد بيتك
و اني اليوم اجيتك وكلبي يهتف بيك
و بالعشرة ابصم و صحت حبيت
مليت انتظارك وانته ما جيت
وذبلن عالدرب من صفنتي عيوني
امس ايدي ويا ايدك كلهم يشوفون
هسه خلاف طولك ظل يعيروني
تعال امسح خيالك من كلب ذبلان
ما ينبض بعد من كثرت ظنوني
تعال وبس جفن جيب وسدر كافور
موتني انتظارك خل يدفنوني
صعب كلش صعب ع اليعشك النظرات
و اني اعشك نظرتك و احلم بشوفك
احبك ..؟؟ لا قليله الكلمه هاي وياك
اني لخاطر محبتك احضن سيوفك
ردت كل يوم اشوفك .. بطل الغيبات
و مثل جنطة سفر علكني بجتوفك
محبتك نهر عندي و صرت الك سباح
يا نهر العشك نيمني بجروفك
يخـاين انسـه حبـي الجان وياك
ما يحتاج تحجي انكشفت عيوبك
الــــــــــــف وسفه الحجي السمعتنياه
طلع كله جــذب وك بدل اسلوبك
انساني واني من اليوم راح انساك
ولا تذكر كبل جنت اني محبوبك
احرك انت الصور واحرك مكاتيبي
واني احركت الصور وحركت مكتوبك
واني بدلت كلبي الجان هايم بيك
لان كالي انغش بشكلك وثبك
نام انت بسعاده وهنا ومرتاح
وانا بسهم الخيانه اليوم مصيوبك
اجيت بكل صلافه وجايب اعذار
تريد ارجع واكلك انه حبيتك
جنت عمري وحياتي وبيك اسولف دوم
بس هسه الحقيقه الروح ناسيتك
رحت بيدك يا وسفه للعمره ما يهواك
......وعفت ناس بثمن من وكت شاريتك
وجنت اعمه العيون وبيك اشوف النور
وهسه شوف عينك هي عاميتك
وجنت اجمل سطر في دفتر الاشعار
ومن دفتر اشعاري صدك امحيتك
بعتني بعين صلفه وما عرفت العيب
وانه بطيبة كلب وبعفه جازيتك
وانت مو حلو وعادي الجمال البيك
بس باجمل صور للناس سويتك
جنت فاقد حنان الخوه يا بذات
جبت عمر اعله عمرك بيه خاويتك
المن جاي كلي وبعد شتريد
بمزبلة الخيانه هناك ذبيتك
حبيبي داعب الشفاه بقبلات الحنين
اجعلني اذوب عشقا بين يديك
فنار الاشواق تحرق اضلعي
ترتعش الاهداب خجلا امام اشتياقك
ولمست اناملك التي ترسم اطراف شفاهي
بريشة بارع الرسم يرسمني بين سطور شعره
ملكه تعشق فارس
يرفعها بخصرها ليعلو بقبلة الحياة لخيول السحاب وترقص
على خيوط الشمس التي تسجى خصلات شعرها
سأذوب بين يديك واحلم بك ولا انساك مهم بعدت
ايها الفارس العاشق اعرفك وتعرفني بين خصلتين
من الحياء شعر ورسم وحب يسكب حنيني اليك فأنت
لاتعرف مدى اشتياقي فحبي لك يعصف بحنيني
لأساهر النجوم واحكي لها عنك
اتعلم ايها الهائم في احضاني
وترتشف الشهد من شفاهي
ان حبك يتدفق كالامواج والاحلام كادت تصبح حقيقه
فاليوم انت بين احضاني وتتخلل اناملي جبينك..
 |
|
|
